រថយន្តបុកម៉ូតូបណ្តាលឱ្យរបួសស្រាលម្នាក់ នៅស្រុកសាលាក្រៅ
19-April-2018 | ដោយ ពលមនសិការ
ប៉ៃលិន ៖ គ្រោះថ្នាក់ចរាចរណ៍មួយកើតឡើង រវាងម៉ូតូ និងរថយន្ត ដោយធ្វើដំណើរស្របទិសគ្នា នៅចំណុចផ្លូវជាតិលេខ៥៩ ទល់មុខផ្សារសាលាក្រៅ ស្ថិតនៅក្នុងភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន វេលាម៉ោង ១១ព្រឹក ថ្ងៃពុធ ០៤កើត ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមេសា ឆ្នាំ២០១៨ បណ្តាលឱ្យរបួស្រាលម្នាក់។
សមត្ថកិច្ចបានឱ្យដឹងថាជនរងគ្រោះឈ្មោះ គង់ ស្រីពេជ្រ ភេទស្រី អាយុ ១៧ឆ្នាំ រស់នៅភូមិ កំពុងឈើ ឃុំបឹងរាំង ស្រុកកំរៀង ខេត្តបាត់ដំបង បើកបរម៉ូតូម៉ាក Honda Dream ពណ៌ខ្មៅ សេរីឆ្នាំ២០០៩ ពាក់ស្លាកលេខ ប៉ៃលិន1A-9881 រងរបួសស្រាល។
ចំណែកភាគីខាងរថយន្តឈ្មោះ អេង ប៉ុនថៃ ភេទប្រុស អាយុ ៤១ឆ្នាំ រស់នៅភូមិកំរៀង ឃុំកំរៀង ស្រុកកំរៀង ខេត្តបាត់ដំបង បើកបររថយន្តម៉ាក Camery សេរីឆ្នាំ1996 ពណ៌ ទឹកដោះគោ ពាក់ស្លាកលេខ 2B-4214 រថយន្តខូចខាតគូទខាងក្រោយផ្នែកខាងឆ្វេង។ បច្ចុប្បន្ន រថយន្ត និងម៉ូតូត្រូវបាននាំយកទៅរក្សាទុកនៅអធិការដ្ឋាននគរបាលស្រុកសាលាក្រៅរង់ចាំការដៅស្រាយ៕
ចំនួនអ្នកទស្សនា
- ថ្ងៃនេះ2661
- ម្សិលមិញ10851
- សប្តាហ៍នេះ69181
- ខែនេះ184331
- ឆ្នាំនេះ184331
- សរុប20626787